பிக்பாஸ் 3 : நாள் 3 (26.06.19)

பிக்பாஸ் 3
நாள் 3 (26.06.19)

மூணாம் நாள் காலை...முதல் ஷாட் இரண்டு குருவிகள காமிச்சது. “பலவித பறவைகளின் சரணாலயம் இது”ன்றத சிம்பாளிக்கா சொன்னா மாதிரி இருந்தது.

மெர்சல் அரசன் பாட்ட போட்டு எல்லாரையும் எழுப்பி விட்டார் பிக்பாஸ். சம்பிரதாயம் கெடாம எல்லாரும் ஆடி முடிச்சாங்க. முடிச்ச கையோட பிக்பாஸ் ஒரு டாஸ்க் குடுத்தார். வைத்யா சொல்லி குடுக்குற மூவ்மெண்ட்ஸ எல்லாரும் போடனும். போட்டாங்க!

திடீர்னு புயல் போல வந்த அபிராமி “டைனிங் டேபிள்ள கழுவாத கீரை கிண்ணத்த வச்சது எவன் டா?”ன்னு பொதுவா சவுண்டு குடுக்க...”லோ பட்ஜெட் அதர்வா” தர்ஷன் தான் அந்த கீரை மேஞ்ச ஆடுன்னு தெரியவந்தது. ஹாட்டா இருந்த அபிய மீரா “பீ கூல்” னு சொல்ல...”நான் உங்கிட்ட பேசல யூ ஃபூல்”னு சொல்லிட்டாங்க அபி. “எங்கிட்ட சத்தமா பேசுனா சுத்தமா பிடிக்காது அப்பிடி பேசாத”ன்னு மீரா குடுத்த விளக்கத்துக்கு “உங்கிட்ட இனிமே பேசலன்னு அவங்க ஸ்டைல்லயே பதில் சொன்னாங்க அபி. (இந்த கேப்புல “அபிய பத்தின ஒரு ரகசியத்த உனக்கு அப்பறம் சொல்றேன்”னு எம்.ஜி.ஆர் காதுல கக்குனாங்க மீரா)

நடந்த விஷயத்த அபி வனிதாகிட்ட சொன்னதும் “என்னது அபிகிட்ட அட்ராசிட்டியா ? அப்றம் தலைவிக்கு என்ன மரியாதை...வா சுருதின்னு அபி கைய பிடிச்சு கூட்டிட்டு கூடத்துக்கு வந்தாங்க வனிதா. ஏம்மா மீரா கையப் புடிச்சு இழுத்தியா ? ரேஞ்சுக்கு மெதுவா ஆரம்பிக்க...மீரா “பீ கூல்” பிட்ட வனிதாகிட்ட போட...வகை தொகையில்லாம வாங்கி கட்டிகிட்டாங்க மீரா.

பின்ன மம்மீன்னு அழுத மீராவ பாத்திமா, சரவணனுக்கு பூரி சுட்டு குடுத்துகிட்டே சமாதானப்படுத்துனாங்க. இன்னும் பேசிட்டு இருந்த மீராகிட்ட “சாப்பிடும் போது பேசாதம்மா”னு சரவணன் புத்திமதியா சொன்னாரு. அந்தப் பக்கம் மூட் அவுட் ஆன அபிராமிய சமாதானப் படுத்துன வனிதா “சாக்கடையில கல்லெறிஞ்சா அது நம்ம மேலதான் விழும்...இத எங்கப்பந்தான் சொல்லிக் குடுத்தான்னு” சொன்னாங்க (ஹாய் விஜயகுமார் சார்).

மூட் அவுட்ல இருந்த அபிய “ஏண்டா வந்து சமாதனப் பட்டுத்தல?”ன்னு கவின எல்லாரும் கலாய்க்க...கப்புன்னு வந்து கட்டிப்புடி வைத்தியம் குடுத்தாப்ல கவின். மொத்ததுல இந்த சண்டையில ஆதரவு என்னமோ அபிக்குதான்.

பிக்பாஸ் வீட்டின் முதல் லக்ஸூரி டாஸ்க் வந்தது. குலுக்கு சீட்டு முறையில ஆளுக்கு 3 சீட்டு எடுத்து அதுல இருக்கும் கேள்விக்கு பதில் சொல்லனும். “மழ பேஞ்சு சென்னையெல்லாம் தண்ணீரு.... இதுக்கப்பறம் பிக்பாஸ் முழுக்க கண்ணீரு”ன்ற நிலமைதான். வைத்யாவும், ரேஷ்மாவும் பகிர்ந்த அவங்க சொந்தக்கதை உண்மையாலுமே கண்ணீர் கதைதான். கமல் சார் சொன்னாப்ல சேரனுக்கு இங்க பல கதைகள் கிடைக்கலாம்.

இடையில கவின வெறுப்பேத்த இன்னோரு பையன வச்சு டிராமா பண்ணாங்க அபி (திஸ் கிரேட் அகுடியா இஸ் பை வனிதா). ஆனா கல்நெஞ்சக்கார கவின் கரையலயே.

அபி தனக்கு வந்த கேள்விகளுக்கு கூலா பதில் சொல்லி...மீராகிட்ட காலை சம்பவத்துக்கு சாரியும் கேட்டுக்கிட்டாங்க. லொஸ்லியாவுக்கு நல்லா பாடவும் வருதுன்றது அவங்க பாடுனப்போ தெரிஞ்சது.

மொத்தத்துல மூணாம் நாளே பிக்பாஸ் வீடு உயிர்த்தெழுந்தது நமக்கு சந்தோஷமே !